أشرف زكي يقرر إيقاف رحاب الجمل وباسم سمرة ومنعهما من التمثيل

 

وقال «زكي» في تصريحات للإعلامي عمرو أديب في برنامجه «الحكاية» على «إم بي سي مصر»: «أصدرت قرارًا بإيقاف باسم سمرة ورحاب الجمل، وعليه هما ممنوعان من مزاولة المهنة في مصر وخارجها».

 

وتابع: «هنجيب كل الكاميرات وهنحقق في الموضوع ده».

 

وأكد أنه سيتم التحقيق في الواقعة خلال 48 ساعة، مشيرا إلى أن ما حدث إساءة للوسط الفني المصري بالكامل، موضحا أن قراره المفاجئ جاء بسبب عدم التزامهما بالصمت تجاه الواقعة حتى يتم التحقيق فيها داخل النقابة.

 

وكانت رحاب الجمل، قالت في تدوينة عبر حسابها على موقع «فيسبوك»: «الممثل السكران.. لما تبقى سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. أنت بقى تعتبر إن ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي اتدخلت في الموضوع ويسامحك برضو تعتبره حق مكتسب».

 

وتابعت: «لكن تدخل بالأمس بروفة فيلم وإنت سكران وعايز كمان تلف حشيش، ولما نعترض تشتم وتهين زمايلك وتغلط وتتلفظ بأقذر وأسفل الشتائم قدام الأغراب في مكان عام.. دي ماتتسامحش عليها لازم تتعاقب وبالقانون لأن ده قلة أدب وقلة مهنية، والمرة دي البلاغ للنائب العام علشان أرفع الحرج عن أي زميل أو زميلة في طلب المشاركة في البلاغ أو الشهادة يكفي تفريغ الكاميرات.. أنا هاربيك».

 

وأضافت في تدوينة أخرى: «كل الشكر والتقدير لنقابتي نقابة المهن التمثيلية.. شكرا دكتور أشرف زكي لاهتمامك ولحرصك على مصلحة الفن والفنانين.. ولعمل اللازم والتحقيق في واقعة أمس من مشادة وإساءة زميل لي ولزملائي..وأنا أثق في نقابتي أنها ستتخذ اللازم وتحويل الموضوع للتحقيق».

 

كان الفنان باسم سمرة علق عن واقعة الفنانة رحاب الجمل، قائلا: «الموضوع اتفه من كده وابسط من كده.. الفنانة اللى قالت الكلام ده كان عندها سفر قبل يوم 14 وعاوزة تخلص الفيلم.. وبحاول اقولها استنى شوية يومين 3 وبعد كده سافرى.. لان فيه تظبيط في الفيلم وكده وقالت بعد كده خلاص بعتذر.. وقلت للمخرج خلاص نجيب واحدة تانية».

 

وأضاف خلال مداخلة هاتفية مع الإعلامى عمرو أديب عبر برنامجه الحكاية المذاع على قناة إم بى سى مصر،: «كان عندى مسلسل معرفش مين فيه الأبطال الأساسين وكانت طالبة فلوس زيادة ومشوها والبنت افتكرت إن أنا مشيتها من الفيلم والمسلسل، أنا مش عاوز اطلع دور البرئ اللى هيغلط هظبطه يعنى.. الحكاية كنا قاعدين في فندق شهير ومفيش الكلام ده».