فيديو وصور.. تفاصيل أزمة الفنان باسم سمرة ورحاب الجمل.. المخرج يكذب: لم أر أي حشيش.. وسمرة يرد: عايزة تتشهر على حسابي وأخرة مرة جايبها من القسم

كتبت - أماني موسى
تابع رواد مواقع التواصل الاجتماعي، اليوم السبت، حربًا كلامية بين كلاً من الفنان باسم سمرة ورحاب الجمل، حيث وصفته الأخير بـ "الممثل السكران"، ورد سمرة عليها بتدوينات، جعلتهما الأسمين الأكثر شهرة على محرك البحث جوجل، وقام الفنان أشرف زكي، نقيب الممثلين بإيقافهما.. نورد بالسطور المقبلة تفاصيل الأزمة.

بدأت الأزمة بتدوينات للفنانة رحاب الجمل عبر حسابها بالفيسبوك، قالت فيها: "الممثل السكران.. لما تبقى سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. أنت بقى تعتبر أن ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي اتدخلت في الموضوع ويسامحك برضو تعتبره حق مكتسب".

وتابعت: "لكن تدخل بالأمس بروفة فيلم وأنت سكران وعايز كمان تلف حشيش، ولما نعترض تشتم وتهين زمايلك وتغلط وتتلفظ بأقذر وأسفل الشتائم قدام الأغراب في مكان عام.. دي ماتتسامحش عليها لازم تتعاقب وبالقانون لأن ده قلة أدب وقلة مهنية، والمرة دي البلاغ للنائب العام علشان أرفع الحرج عن أي زميل أو زميلة في طلب المشاركة في البلاغ أو الشهادة يكفي تفريغ الكاميرات.. أنا هاربيك".

من جانبه قال الدكتور أشرف زكي في مداخلة هاتفية ببرنامج "حضرة المواطن": "مينفعش نهاجم بعض أو نتجاوز ضد بعض على السوشيال ميديا، لو حد غلط عليك أن تقدم مذكرة للنقابة وهتاخد حقك في خلال 24 ساعة"، مشددًا بقوله: "لن أسمح أن يصبح نجوم الفن مادة لأن ينال منّا أحد، أنا عارف أن الفنانين السبب، عشان كده بوجه تحذير شديد اللهجة أن أي فنان هيعمل كده سيتعرض للإيقاف فورا، لو لدى أي فنان مشكلة فليتقدم بمذكرة للنقابة، إنما مينفعش نعمل في بعض كده".

وأضاف: "أنا معرفش مين غلطان في الموضوع ده، في مذكرة هتوصلني وفي لجان تحقيق هتحقق هتقول مين غلطان، ومفيش حد فوق القانون والغلطان هيتعاقب".


وبعدها ردت رحاب الجمل في تدوينة أخرى قالت فيها: "كل الشكر والتقدير لنقابتي نقابة المهن التمثيلية.. شكرا دكتور أشرف زكي لاهتمامك ولحرصك على مصلحة الفن والفنانين.. ولعمل اللازم والتحقيق في واقعة أمس من مشادة وإساءة زميل لي ولزملائي..وأنا أثق في نقابتي أنها ستتخذ اللازم وتحويل الموضوع للتحقيق".

وأوضحت أنها ستتقدم ببلاغ للنائب العام عقب انتهاء تحقيقات النقابة، مشيرة أن الواقعة حدثت بفندق شهير بالقاهرة، وكانت وآخرين في بروفات فيلم (الديك العياط)".

من جانبه رد الفنان باسم سمرة، بعد منشور رحاب الجمل، بتعليق مقتضب عبر حسابه الشخصي على موقع أنستغرام: "الكلام مش بفلوس يا جملاوي".

وقال سمرة، خلال مداخلة هاتفية مع الإعلامي عمرو أديب، ببرنامج "الحكاية" عبر فضائية "mbc مصر": "هي عندها سفر يوم 14 وأنا عايز أخلص تصوير الفيلم قبل يوم 14، فقولت لها استني شوية وكملي معايا المشاهد قبل ما تسافري، فقالت لي لا أنا بعتذر، فقولت لها هنجيب واحدة تانية وربنا يسهل".

وتابع، رحاب الجمل طلعت مشاركة معايا بمسلسل آخر واختلفت مع الإنتاج لأنها طلبت فلوس زيادة وأنا ورحمة أبويا ما كنت أعرف الموضوع دة، فهي أفتكرت أني مشيتها من الفيلم والمسلسل وأنا معملتش كدة، أنا مش عايز أطلع بدور البريء.. أنا أعرف أخد حقي بدراعي".

أضاف: "والله ما كان في ممنوعات في القعدة، وأنا معرفهاش أصلا، وكنا في فندق شهير وفيه كاميرات وكله يقدر يتأكد، كل واحد عايز يتشهر هيدخل معايا في خناقة! حاجة غريبة جدًا، وأنا آخر مرة جايبها من القسم أساسًا، وأي حد هيتكلم عني تاني هزعله بجد يعني".

بدوره أكد مخرج فيلم "الديك العياط" وائل الرومي: "أقسم بالله الاجتماع اللي إحنا فيه مكنش فيه أي ممنوعات، وأنا فوجئت بما قيل".

وأوضح سمرة، دي أنا آخر مرة جايبها من القسم، كان جوزها نصاب وكان لابس لبس ضابط وماسك اتنين لاسلكي، جوزها طلع نصاب، وأنا روحت جبتها من القسم عشان التصوير يكمل، هي ست مدعية".