فيديو .. اختفاء فتاة مسيحية وأسرتها تستغيث بالرئيس : أنت زي أبوها عاوزين بنتنا

كتب – محرر الاقباط متحدون ر.ص

أرسلت أسرة قبطية من العاشر من رمضان استغاثة لرئيس الجمهورية، حتى يتدخل في اختفاء ابنتها القاصر "كارين البير جميل" يتيمة الأب، وبعد وفاة والدها كانت أصيبت بأزمة نفسية .

وقالت شقيقتها في مقطع فيديو نشرته صفحة القديس مارمرقس الرسول على "فيسبوك" :" أرجوك ياريس أحنا أبونا متوفي، وانا دلوقتي مليش غير أختي وأمي، وأختي كارين البير جميل واصف متغيبة من يوم 13 /12/2020.

لافتة :" حررنا محضرا وقمنا بجميع الإجراءات الخاصة التي تتخذ حال اختفاء احد، ورغم ذلك لم تعود شقيقتي ياريس، وها هي أمي تعاني آلاما نفسية لغياب ابنتها.

وقالت أمها وهي تذرف الدمع، عاوزة بنتي عاوزة اعرف هي فين، دوخت عليها ومش عارفة أجيبها، ومش عارفة اعمل إيه، أنت أبوها ياريس تقدر ترجعهالنا."

وقالت الصفحة :" استغاثة من أسرة القبطية كارين البير جميل يتيمة الاب ابوها متوفي وبعد وفاته اصيبت بأزمه نفسيه أسرة بسيطه مالهومش حد غير ربنا البنت دي غواها ولد فاتح كوافير بجوار منزلهم اسمه احمد موزة Ahmed Moza اساسه من الزقازيق شرقيه وعشان عارف ان البنت مالهاش اب استغل ده والبنت اختفت وامها واختها في حاله صعبه ملحوظه البنت قاصر ووكمان النيابة رفضت تعمل محضر اتهام للولد، كارين_البير_لازم_ترجع.