قانون الأجازات

امبارح بمناسبة قرار منح يوم الأحد أجازة بمناسبة عيد التكدس، طلع بعض المطلعين على بواطن الأمور يكلمونا عن قانون الأجازات والأجازات بقانون وكلام قانوني فاخيم رخيم يُبرر أجازة عيد التكدس بدلاً من أجازة عيد القيامة المجيد باعتبارها مستندة على قانون الطوارئ، والراجل غلبان ايده متكتفه بالقانون، لكنه علماني عتيد وليبرالي صميم.

وحيث ان ثقافتي القانونية ضعيفه، فقلت نشوف سيدنا جوجل بيقول ايه؟ واعدت أدور على قانون الأجازات اللي بيقولوا عليه في سلقط في ملقط، أو أى خبر ان البرلمان أقر قرار الرئيس حسني مبارك بجعل عيد الميلاد المجيد أجازة، ملاقتش أى دليل على وجود قانون أجازات إلا بنود الأجازات في قانون العمل.

بل على العكس لاقيت خبر في جريدة الوطن (أول تعليق) بيقول "يستحق الموظف إجازة بأجر كامل عن أيام عطلات الأعياد والمناسبات الرسمية التي تحدد بقرار من رئيس مجلس الوزراء"، يعني الأجازات الرسمية هى بقرار مش بقانون وعشان كده مبارك أخد قرار أجازة عيد الميلاد وما احتجش لتصديق البرلمان.

يعني كان ممكن رئيس الوزرا يقول أن الأحد أجازة بمناسبة عيد القيامة مش عيد التكديس، طب ليه ما عملش كده؟

راجعوا بوستي بتاع امبارح عن تشكل وعى طالب الهندسة في أوائل الثمانينات على الخطاب الإسلامجي (ححط اللينك تاني تعليق)

المشكلة الأكبر أنه لو أخد قرار زى ده السنة دي، حتبقى عادة لا يمكن لأى رئيس وزرا أنه يتراجع عنها السنين اللي جايه والا حيكشف وجه الإسلامجي وده ممنوع يتكشف عشان يفضلوا يضحكوا على المسيحيين السذج ويفضل في مجال لعلمانيين بما لا يخالف شرع الله يعرضوا