بالفيديو.. السيسي: "حقوق الإنسان عندي إن المواطن يلاقي علاج وتعليم كويس"

قال الرئيس عبدالفتاح السيسي، إن حقوق الإنسان عندي إن المواطن المصري يلاقي علاج وتعليم كويس.

 

وأضاف الرئيس السيسي، خلال كلمته في افتتاح فعالية المشروع القومي لتنمية الأسرة المصرية، اليوم الاثنين: الحكاية دي حكايتنا كلنا، وأنا في بلجيكا، كلمت الدنيا وأول ملف اتكلمت فيه كان حقوق الإنسان لإن إحنا معندناش حاجة نخبيها.

 

وتابع الرئيس: إحنا عندنا قضية مش معروفة إلا لينا إحنا أو لبعضنا حتى، وهي التحديات التي نمر بها، كنت بتكلم في ده، وتحدثت مع أحد المسؤولين في بلجيكا وقولتله ليه مسألتنيش الناتج المحلي بتاعك كام، استغرب، قولتلوا الناتج المحلي بتاعك أنت كام، قالي 500 مليار دولار سنويا، سألته عدد سكانك كام، قالي 10 مليون، قولتله يبقى أنا عاوز ناتج محلي 5 تريليون دولار علشان أوفر للناس العيشة دي.

 

وقال السيسي: دي حقوق الإنسان اللي أنا أعرفها، أوفر للمواطن بتاعي تعليم كويس وعلاج كويس وحياة كويسة، لازم اللي يتكلم قبل ما يتكلم يعرف قضية البلد دي كويس.