فيديو .. ابراهيم عيسى : الغرب لا يتآمر على الاسلام والمسلمين .. انها مزاعم العرب وبيقولوا عشان البترول طب هتشربوه ما لازم تصدروه لأوروبا عشان تعيشوا !

كتب – روماني صبري
قال الاعلامي والاديب إبراهيم عيسى، جزء من شعبنا قرر اننا نتعرض لمؤامرة من دول العالم، مشيرا :" يقولون انه توجد مؤامرة على العرب والاسلام والمسلمين.

مضيفا خلال تقديم برنامج (حديث القاهرة) المذاع عبر فضائية القاهرة والناس :" بذلت مجهود شديد جدا في البحث عن الاسباب التي تجعل الغرب يتآمر علينا.

وتابع :" قلت احنا بنهددهم في ايه، مضايقينهم في ايه، منافسين مننا ليه عشان يتامروا علينا، والاجابة ان مفيش حاجة تخلي الغرب يتآمر علينا.

لافتا :" قالوا يتآمر الغرب علينا بسبب البترول، طب انت هتعمل ايه بالبترول هتشربه !، ما لازم تصدره لأوروبا وامريكا عشان تاخد مقابله فلوس فتعرف تعيش.

واختص عيسى هؤلاء :" بتقول عندنا بترول، خلاص اشربه، وهو مين اللي بينقب عن البترول عندك اصلا !.

مستطردا :" ما الذي يمتلكه العرب يجعل الغرب يشعر بالضيق والغيرة منهم ليقرر التآمر عليهم !، وفي الماضي كانت دول تستعمر بلادنا لسرقة ثرواتها.

موضحا :" دلوقت بقى انت ايه حيلتك، هتقول مش مهم هو الغرب بيتآمر علينا وخلاص، وفي حملات ضد الاسلام والمسلمين، عشان ايه طيب برضه متفهمش !.

 وتابع :" انت معملتش اي حاجة خالص عشان يتآمر عليك الغرب، انت لا تملك شيئا اصلا ورغم ذلك تزعم ان الغرب يتآمر عليك.