أول تعليق لـ بشرى بعد استقالتها من رئاسة مهرجان الجونة السينمائى

 

جاءت تصريحات بشرى، فى مداخلة لأحد البرامج الإذاعية، فى أول تعليق لها بعد إعلان استقالتها من رئاسة مهرجان الجونة السينمائى، عقب رحلة عمل استغرقت 7 سنوات.

 

وأضافت بشرى، خلال مداخلتها بالتزامن مع احتفالات عيد الأم: "نماذج الأم فى السينما المصرية كثيرة جدا، من أشهرهم أمينة رزق، فردوس محمد، مارى منيب، والأمهات النهاردة اتغيرت كتير مع الزمن وبقوا مودرن، لأن فيه أمهات كتير سنهم صغير، وفى أمهات كتير مابتحبش تحس أنها كبرت".

 

وتابعت: "ما ينفعش نلخص دور الأم العظيم المقدس فى مجرد اسم، الأم دى هى الوتد اللى بتلم الأسرة، وأحلى حاجة فى بنتى أنها بتحب تكتب، وأنا مش مع الفكر الاستهلاكى وانه لازم نجيب هدية، المهم أن ولادك يفتكروك ويقدروا تعبك معاهم".

 

وأضافت: "ابنى وبنتى جابولى فوطة حلوة أوى مكتوب عليها كل سنة وأنتى طيبة يا ماما، لأنهم عارفين أن أمهم بتحب الهدايا العملية، وأيوه ممكن كلهم يستخدموها، بس فى الآخر اسمى مكتوب عليها".

 

يذكر أن آخر أعمال بشرى، فيلم "معالى ماما" وشارك فى بطولته كل من علاء مرسى، حسام داغر، محمد على رزق، شريف باهر، طاهر أبو ليلة، إسماعيل شرف، دعاء رجب، ريهام الشنوانى، ورغد جلال.