فيديو.. شيخ يطالب النساء في الشارع بارتداء الحجاب.. وخالد منتصر: تطفل وسماجه ..عروس البحر الأبيض أنزلت سيد درويش من على العرش وأجلست الجماعه السلفية !

كتب - محرر الاقباط متحدون ر.ص
نشر المفكر والطبيب خالد منتصر عبر حسابه على فيسبوك ، مقطع فيديو لشيخ يسير في الشارع، راح يطالب النساء بارتداء عباءة واسعة والحجاب عبر الميكرفون.

وكتب منتصر معلقا :" المطوعون في الاسكندرية،جماعة النهي عن المنكر في اسكندرية ، عروس البحر الأبيض ..المدينة الكوزموبوليتان ، التي أنزلت سيد درويش وسيف وانلي من على العرش وأجلست عسليه والجماعه السلفيه !!.

هل فيه حشريه وتطفل وسماجه وتحرش ديني زي اللي انتم سامعينه وشايفينه ده في أي مجتمع متحضر في الدنيا ؟؟انت مالك ؟ ومين اللي اداك توكيل ربنا ع الأرض؟؟ .

هو عشان ربيت لحيه وقصرت جلابيه خدت الحق تربي الستات ف الشارع على مزاجك وكتالوجك !!! العلمانيه ببساطه إن أصحاب التصرفات دي اللي بيقتحموا مساحة أي شخص يتحاسبوا ويتمنعوا ويتعاقبوا …ماحدش له حق يحدد لفلانه تلبس حجاب أو تلبس بنطلون جينز ..السماء ليست مصمم أزياء ولم ترسلك ياعم الشيخ موزعاً لباتروناتها !!.

الشارع للجميع وكل واحد حر  وكل واحده حره،وبطلوا وصايه لزجه ..اللي بيحصل ده فضلاً عن انه جريمة فهو وقاحه .