"مكنتش اعرف انه مسيحى ويخص ديانته المسيحية".. تامر عبد الحميد يعتذر للحكم وائل فرحان بعد هجومه عليه بسبب الوشم

كتب - محرر الاقباط متحدون
اثار تامر عبد الحميد،  لاعب الزمالك الاسبق، غضب الاقباط، بعد هجومه في تغريدة ، على الحكم وائل فرحان جراء الوشم في يد الاخير، حيث كتب :"

مستغرب جداً من الوشم اللى على ايد الحكم وائل فرحان .. هو طبيعى ولا انا اللى مزودها شويه .. بس انا اول مره اشوف الحاجات دى على جسم حكم وشكله وحش.

وتقدم عبد الحميد بالاعتذار للحكم وائل فرحان، واقسم انه لم يكن يعلم ان الوشم على يده ديني، وكتب عبر صفحته الرسمية على فيسبوك :" اعتذار واجب عليه للحكم الكابتن وائل فرحان ويعلم الله انى لا اعرف ان الوشم المرسوم على ذراع الكابتن وائل يخص ديانتة المسيحية ولا أعرف انه مسيحى فعلاً والناس اللى بتصطاد فى الماء العكر هقولهم ربنا يهديكم واحنا كلنا واحد ف بلد واحده .

وتابع :" كل الاحترام والتقدير للكابتن وائل وللاخوه المسيحيين وأولهم اصحابى اللى اعرفهم معرفه شخصية وشكراً.