"عرفات" يستنكر تهديد المتشددين للطالب ابانوب عماد: شاب غلط في الانجيل وهو رد عليه قانون ازدراء الأديان لا يطبق على من يشتم ويهين المسيحية!

كتب - محرر الاقباط متحدون
استنكر الكاتب الليبرالي احمد عرفات، مطالبات المتشددين، بمعاقبة أبانوب عماد طالب بجامعة الزقازيق، وفقا لقانون ازدراء الأديان.

وكتب عرفات عبر حسابه الرسمي على فيسبوك :" في شاب مسيحي اسمه "ابانوب عماد". بيتم التشهير بيه وبمعلوماته الشخصية وتهديده على كل منصات التواصل دلوقتي. بسبب إيه؟ شاب مسلم فضل يغلط ويتر*يق على سفر نشيد الإنشاد والكتاب المقدس والمسيح. ابانوب راح رد على الولد ده بنفس الطريقة بتاعت الولد ده على الدين الإسلامي. الولد المسلم نزل كلام ابانوب وطبعاً الكل دلوقتي بيطالب بالقبض على ابانوب "بقانون ازدراء الأديان". لو ده هيحصل.. يبقى مفروض الكل يتحاسب بلا استثناء، ما هو مش حلال لطرف يشتم ويهين كل شوية ولما الطرف الثاني يكون عنده نفس ردة الفعل وقتها يطلع "قانون ازدراء الأديان".

مضيفا :"  وبعدين ربنا مش محتاج قانون يحميه ابداً.. أنا ضد اللي بيحصل مع ابانوب وضد التشهير وضد التهديد لأن "لكل فعل ردة فعل".. ومش كل مرة هتكون ردة الفعل فيها تسامح ومحبة- وبس.