إلهام شاهين: "مش هعمل شئ لا يناسبني وأنا لست كوميديانة"
فن | مصراوي
٤١:
٠٥
م +00:00 UTC
السبت ٢٣ ديسمبر ٢٠٢٣
أجرت الفنانة إلهام شاهين، مداخلة هاتفية ببرنامج "كل يوم" الذي يقدمه الاعلامي خالد أبو بكر ويذاع على قناة "On tv".
وكان من ضمن موضوعات الحلقة هو الرقابة على المصنفات الفنية بحضور رئيس الجهاز خالد عبد الجليل وتطرق عن كيفية تطوير آلية الرقابة وسط انتشار القرصنة، ومعاناة العديد من المنتجين في إجازة أعمالهم السينمائية وعدم خروج العديد منها إلى النور.
وقالت إلهام شاهين: "أنا لما عملت شركتي اشتريت أفلام فعلا ولما بدأ يبقى ليا أفلام تترفض بعد ما اشتريتها وحضرت اني أنا أدخل أنتجها وقفت نشاط الشركة، لأن أنا مش هعمل أفلام تجاري السوق سواء الداخلي أو الخارجي وقالولي الأفلام دي عشان تشتغل لازم تبقي أفلام كوميدي أو أكشن".
واستكملت: "أنا مش هعمل شئ لا يناسبني وأنا لست كوميديانة إلا في حدود يعني إذا كان فيه كوميديا موقف وكان موضوعات مهمة جدًا عايزة أطرحها عن البلد ولما بنسلط الضوء على الشئ الغلط عشان عايزين نصلحه مش لمجرد أننا عايزين ننتقد أو يفهموا إننا عايزين نجرح في بلدنا".
وأضافت: "لازم يبقى فيه ثقة فينا احنا بنخاف على بلدنا جدًا واحنا وطنيين، احنا كفنانين أكتر من أي حد واحنا عندنا خبرات كبيرة لما أنا أبقى عديت الـ 100 فيلم والـ 50 مسلسل و الـ 20 مسرحية أنا ست عندي خبرة كبيرة ودراسة فن وأنا مش هعمل حاجة لا تسئ للفن ولا لبلدي".
يذكر أن، إلهام شاهين حرصت على حضور فعاليات الدورة السادسة لمهرجان الجونة السينمائي والتي أقيمت مؤخرًا في مدينة الجونة وسط عدد كبير من النجوم وصناع السينما.
الكلمات المتعلقة
