فيديو.. معلمة للتلاميذ: سيدنا عيسى مسلم ومفيش حاجة اسمها دين مسيحي او يهودي الدين واحد فقط.. معلقون غاضبون: تربية اجيال تنبذ الآخر.. فين وزارة التعليم!

كتب - محرر الاقباط متحدون
من الضروري ان تتضمن رسالة التعليم القضاء على الكراهية واحترام الاديان الاخرى، وليس الترويج للكراهية من قبل بعض المعلمين.

أثارت معلمة اطفال غضب المسيحيين، بقولها ان المسيحية ليست ديانة، كذلك اليهودية، وان  كل الأنبياء بما فيهم موسى وعيسى مسلمين .

وقالت المعلمة في مقطع الفيديو المتداول :" سيدنا عيسى مسلم ونوح وموسى ولوط كل الانبياء مسلمين لانهم كانوا موحدين بالله .

واضافت :" الدين عند الله الإسلام ، يعني هو دين واحد بس ، مينفعش اقول الدين المسيحي او اليهودي مفيش حاجة اسمها كدة.

وتابعت :"  الدين هو الإسلام فقط، لكن في حاجة اسمها الكتب السماوية .

كما اضافت :" قالوا على سيدنا إبراهيم يهودي  وده مش صحيح مفيش الكلام ده  .

وواصلت :" وقالوا على سيدنا عيسى انه كان مسيحي ومفيش الكلام ده .

وأبدى عدد كبير من رواد التواصل غضبهم من افكار هذه المعلمة والتي تغرسها في عقول الاطفال ، وفيما يلي بعض من هذه التعليقات :

-نرجو محاسبتها من كل الجهات المسؤله عن كل ماتقوله من تعاليم مغلوطه عن الاديان نرجو الابلاغ عنها.

-دي مدرسة وواضح انها لغات إزاى الدولة تسكت على المصيبة دي ؟

-اية الثقة اللى هيا فيها دى لأ بتتكلم و كانها بتقول محدش يراجع ورايا طيب ازاى كدة

-دي واحده المفروض تدرس حصة دين وليست مدرسة فصل ولازم تتحاسب.

- بتسمم الاطفال

-انتي اذاي بتعلمي اجيال..انتي نشرتي المرض كله في المدرسه.....انتي اذاي تعملي كدا في الكيدز....علي راي احمد حلمي في عسل اسود

-ارجعوا لقانون اذراء الأديان  المحاسبه بالقانون نحن نعيش معا كنسيج واحد وكل منا يحترم الآخر وعقىده الاخر  وده جمال الشعب المصري.

-منتظرين ايه من الاطفال دى لما تكبر!!!؟؟؟مصر بتنهار

- معلومات ضد ما كتب في القران
لم تستطع تلغي التوراه والانجيل !
من اين اتت بهذا الاكتشاف الخطير
من يحاسب هؤلاء علي هذه المعلومات المضللة لخبطه في لخبطه !!

تعصب أعمى , وللأسف الجهل يعمل اكتر من كده وللأسف فى أطفال بتزرع فيهم بذرة للتعصب والعدوانيه للغير ..فين الرقابه والمحاسبة على كده.

-طيب دي نسميها مدرسة تعليم  ولا مدرسة ازدراء اديان.

-ايه الجهل ده ..وازاى  دي مدرسة وبتعلم النشء .

- التطرف الديني خطير في التعليم لأنه يربي أجيال تنبذ الاخر ولا تعترف بالمواطنة أوالاديان الاخرى.

 التطرف الديني خطير في المجتمع، التطرف الديني خطير في الديمقراطية.

فين وزارة التربية و التعليم ليه كده ،الدين علاقة خاصة بين الانسان و ربه وكل واحد حر.