خالد منتصر لبسمة وهبة : ما ذكرتيه عن سوء الأكل بمصر للطيران والبطاطين اللي بتشوك كلام غير صحيح والطيارين المصريين من أفضل الطيارين

رد المفكر والطبيب خالد منتصر على هجوم الإعلامية بسمة وهبة لشركة مصر للطيران .

 

ودشن منتصر عبر حسابه على فيسبوك هاشتاج#تحية_انصاف_لشركة_مصر_للطيران، وكتب :" العزيزه بسمه وهبه مع احترامي الشديد لشخصك لكن ما ذكرتيه عن سوء الأكل اللي بتقدمه شركة مصر للطيران والبطاطين اللي بتشوك..الخ كلام غير صحيح 

سافرت كتير في الفترة الأخيرة على مصر للطيران وكانت الخدمة ممتازة.

 

وتابع :" وحدث تقدم وتحسن واضح والأكل  كويس جداً واللحمة ريحتها كويسة زي اللحمة اللي احنا بناكلها في بيوتنا ما فيش أي فرق والبطاطين عادية ونضيفة والطيارين المصريين من أفضل الطيارين ليه بس بنهدر جهود ناس حسنت الأداء فعلاً.

 

لافتا :" لا هو تطبيل ولا حاجة ده اقرار واقع للأسف مازالت المشكلة اللي عايزين نناقشها بس هي ارتفاع أسعار التذاكر ، أنا عارف ان السبب سعر العملة لكن لابد من حلول خارج الصندوق لكن بصراحة أنا شخصياً ما باستريحش الا مع شركة بلدي مصر للطيران.