سائق أوبر يشهد بقضية فتاة التجمع: شقيقة المجني عليها بلغتني إنها طلبت أوبر لأختها فخطفها

 

ج: اللي حصل إن أنا شغال سواق أوبر ويوم السبت الموافق 11 / 5 / 2024 جالي طلب من على أبليكشن من عميله اسمها سالي، قبلت الرحلة وتوجهت للعنوان اللي ظاهر لي في الأبليكشن وكان كمبوند في التجمع الخامس، ولما وصلت مكان اللوكيشن واستنيت 5 دقائق والعميلة مجتليش، فاتصلت بالعميلة الساعة 10:35مساء عن طريق البرنامج ومعايا المكالمة اللي بيني وبينها متسجلة على موبيلي وفي المكالمة بلغتني العميلة إن أختها كانت طالبة أوبر وجالها واخدها وخطفها وراجل في نفس المكالمة كلمني وقال لي إلغي الرحلة، فلغيت الرحلة وخرجت من الكمبوند، وأمن الكمبوند وهو بيديني الرخصة وأنا بخرج بلغت فرد الأمن إن في واحدة ساكنه هنا وأنا كنت داخلها عندها مشكلة وقلت له زيادة تأكيد إني دخلت وخرجت لوحدي عشان ميكونش في عليا مسئولية لو حصل حاجة.

 

ح: الكلام ده حصل يوم السبت الموافق 2024/5/11 الساعة حوالي 10:30 مساء كمبوند أفاد في التجمع الخامس.

 

ج: كنت لوحدي.

 

ج: أنا جالي طلب أوبر الساعة 10:25م تقريبًا وعلى ما وصلت مكان اللوكيشن أخدت 5 دقائق تقريبًا عشان كنت قريب وفي التجمع والساعة كانت حوالي 10:30 مساء لما وصلت كمبوند وبعت للعميلة على البرنامج رسالة بقولها لقد وصلت أول ما وصلت الساعة 10:30 مساءً واستنيت شوية تقريبًا خمس دقائق وكلمت العميلة من خلال الأبليكيشن والمكالمة دي كانت حوالي الساعة 10:35مساءً عشان مكنتش جات لي أو شفتها وساعتها حصل ما بينا المكالمة اللي وضحتها، وفورًا بعدها أنا لغيت الرحلة من برنامج أوبر وإتبعت لي تعويض على حسابي.

 

ج: أنا كنت رايح بناء على طلب توصيل جاي من أبليكشن أوبر لتوصيل واحدة عميله اسمها سالي من كمبوند ازاد التجمع إلى أكتوبر.

 

ج: أيوة أنا اتصلت بالعميلة الساعة ١٠:٣٥ مساءً عن طريق البرنامج ومعايا المكالمة اللي بيني و بينها متسجلة على جالها موبیلی وفي المكالمة بلغتني العميلة إن أختها كانت كانت طالبة أوبر وواخدها وخطفها وراجل في نفس المكالمة كلمني وقال لي إلغي الرحلة، فلغيت الرحلة وخرجت من الكمبوند.