محمد التاجي يصف (الارض) ليوسف شاهين بالأسوأ.. خالد منتصر: اذا كانت بوصلة الفنان نفسه بقت سلفية أمال المشاهد العادي يعمل ايه ويرتقي ازاي!

كتب - محرر الاقباط متحدون
استنكر المفكر والطبيب خالد منتصر منشور للفنان محمد التاجي، وصف خلاله فيلم الارض ليوسف شاهين بأسوأ الافلام، رغم ان الفيلم من اعظم الافلام على مر التاريخ،  وكتب التاجي عبر حسابه على فيسبوك  :" فيلم الأرض اللي بيعتبروه أيقونة السينما المصرية، وأنا بأعتبره من أسوء ماقُدم في السينما المصرية بسبب مشهد واحد احتواة الفيلم   لبطلة الفيلم وصيفة ( نجوي إبراهيم )، وهي بترمز في القصة  للطهر والشرف والعفة بترمز لمصر، وفي هذا المشهد وصيفة تتحرش بطفل لم يتعدي السبع او الثمان سنوات وبشكل فج ومدعي العبقرية المخرج بينهي المشهد بالإيحاء للمشاهد وأن وصيفة أقامت العلاقة الأثمة مع هذا الطفل.

ورد منتصر في منشور :" اذا كانت بوصلة الفنان نفسه بقت سلفية أمال المشاهد العادي يعمل ايه ويرتقي ازاي ؟! وهو شايف فنانين بيتحولوا لدعاه ووعاظ ، وعايزين يحولوا الاستوديوهات لمنابر ، والأفلام لخطب جمعه!!.

وتابع :" الأرض من أعظم عشر أفلام مصرية ومن أهم أفلام يوسف شاهين وعمر ما حد وقف عند المشهد اللي بيقوله الفنان ده مع احترامي لشخصه الا اذا كان متربص أو قرر يلبس العمه والجبة والقفطان من باب غزل المزاج السلفي للمصريين اللي بيفتح كنوز علي بابا.