فيديو.. د.حنان فهيم: الغضب ألد اعداء الإنسان ولا يحل المشكلات بل يزيدها تعقيدا.. وتكشف طرق العلاج: لازم نستمتع بالدنيا الحياة جميلة

كتب - محرر الاقباط متحدون ر.ص
قالت الدكتورة حنان فهيم خبيرة التنمية البشرية :" يُعد الغضب ألد اعداء الإنسان، لانه مشاعر صعبة وكتمانها يؤذي الإنسان كما يسبب له الكثير من الامراض النفسية والجسدية .

مضيفة خلال تقديم برنامج "اصنع حياتك بنفسك"  المُذاع عبر قناة موقع الأقباط متحدون على يوتيوب :" الغضب عبارة عن مشاعر قوية داخل الإنسان، وهو ليس مرضا، بل عرض يعبر عن وجود مشكلة وشيء مهم .

موضحة :" مثل الطفل المصاب بالسخونية ، حيث عندها ندرك ان هناك ميكروبا تسلل الى جسده.

وتابعت :" وبشكل مشابه فإن الشخص الغضوب غضبه هذا  يعكس انه تعرض لمشكلات كثيرة أوصلته الى مرحلة يعبر فيها عن كل ذلك بالغضب .

كما اوضحت :" الغضب لو انا كتمته بالضبط عارفين الحلل البريستو كل ما نزود درجة الحرارة ويبقى الضغط فيها عالي لو حد فينا غلط وفتح الغطا بتاعها بيحصل انفجار كبير .

وتابعت :" الانسان الغضوب اللي قاعد يمسك نفسه وساكت بيقابل مشاعر محرجة واحباطات ناس تؤذيه  او حد بيجرحه ادام الناس.

بيبقى نفسه في حاجات مش عارف يعملها بيركز على الحاجات اللي مش موجودة  عنده في حياته وسايب المميزات اللي عنده.

لافتة الى ان كل ذلك في النهاية يولد مشاعر الغضب عند الإنسان.

موضحة :" وانه عندما يمتلئ داخله بهذه المشاعر السلبية، فأول ما يتعرض لموقف مع شخص أقل منه في العصبية، أو مع شخص طيب، أو مع شخص قريب منه، يبدأ يصرخ فيه (ينفجر ) ويرى فيه وسيلة للتعبير عن غضبه.

لافتة :" الغضب ليه علاج بس ببتدي اعالجه لما اعرف خطورته، خطورة الغضب المشاعر دي اللي انا بخزنها وما بعالجهاش  بتقضي على جهاز المناعة .

مضيفة :" وبتسبب لي امراض نفسية كتير ممكن الاقي نفسي عندي قلق، عندي اكتئاب،  مش قادرة اقبل على الحياة.

او مش قادرة اعمل حاجة جديدة اقلق ان انا اقابل حد،  ابقى قلقان من نفسي لما اتقدم لوظيفة جديدة.

 او ان انا هشتغل شغل ثاني هيبقى عندي توتر اكثر فبالتالي هبقى وانا عصبي وانا غضوب هبتدي اخسر الشغل ده ، فابتدي اتراجع فبيبقى عملية مؤذية جدا.

ولادي لو انا متجوز اکتر ناس بتتعرض للاذى  من عصبية الاب والام وده شيء مؤذي جدا .

ونصحت الدكتورة حنان فهيم خبيرة التنمية البشرية، بعدم استخدام الغضب.

موضحة :" الغضب لا يحل المشكلات بل يزيدها تعقيدا .

كما نصحت قائلة :" فكر كويس هتقدر توصل للحاجة اللي تحل ليك المشكلة.

وتابعت :" من وقت للتاني نسترخي دقاق هنقدر نحس ونستمتع بالدنيا اللي حوالينا الحياة جميلة  اوي وفترة قصيرة .

لافتة :" قعدت 60 او 60 سنة هي قصيرة، وإحنا اتلهينا 16 سنة تعليم و 20 سنة مذاکرة، و5 سنين بتكون نفسك تتجوز ، 5 سنين بتربي في العيال.

مضيفة :" في الاخر جريت ونسيت انت مخلوق ليه،  نسيت تستمتع بعلاقتك مع ربنا، نسيت تستمتع بجسمك وبحياتك وبعمرك ، فاهدى واقعد مع نفسك قبل ما تلاقي القطار بتاع العمر انتهى.