جايلك جايب أتعاب جسدي

️ممدوح الديري
جايلك جايب أتعاب جسدي .........
جاي بشري وحقدي وحسدي
جاي اقولك انت ياسندي
انا محتاجلك ياحنان ..................

جايلك انا بدموعي ياسيدي.............
طالب توبة ورافع ايدي
تسكن جوه في قلب وريدي
تعطي القلب امان..............................
جايلك طالب فرجي وعيدي............

جاي تقولي شموعي تقيدي
بس تعالي وامسك ايدي
وانا ارجع فرحان...............................
جايلك واثق فيك ومابدي
جاي راجعلك ايوه لوحدي
ومهما انا ببعد عندي تحدي
وانا راجع بضمان...............................

جايلك غالب رافع رايتي..................
جاي لو حتي العالم ضدي
انت يارب تقودلي سفينتي
وانا وياك في امان............................
       ✍️ممدوح الديري✍️