الأقباط متحدون - مابين الاغتصاب الزوجي والدعارة
  • ١٠:٤٩
  • الاثنين , ٣١ مايو ٢٠٢١
English version

مابين الاغتصاب الزوجي والدعارة

ماجدة سيدهم

مساحة رأي

٢٦: ٠١ م +00:00 UTC

الاثنين ٣١ مايو ٢٠٢١

 مابين الاغتصاب الزوجي والدعارة
مابين الاغتصاب الزوجي والدعارة

 ماجده سيدهم

طيب بلاش   مصطلح الاغتصاب الزوجى   لأنه مزعل حبايب مؤمنة  كتير ..

 بس الحقيقة  .. أبشع أنواع الاغتصاب وأخسها هو الاغتصاب الزوجي  لانه بيتم تحت  عنترية   الزوج  المحصن بالتهديد الشرعي ..

يعني حقي    وإلا ..

 واغلب الستات     اللي بترفض كونها مجرد آلة بزمبلك لقضاء حاجة الزوج الجنسية  هم اللي بيشوفوا  إن الاحترام  والحب والراحة الجسدية والنفسية في  العلاقة  أهم من  أدائها  أوتوماتيكيا بلا روح 

لانها  فعلا بتكون علاقة غير انسانية ولا أخلاقية ..كلها  احتقار وامتهان للطرفين على فكرة  ..علاقة مقرفة وميته ... ..ودا طبعا مايرضيش  الأحبة المؤمنين .

...

طيب ايه رأيكم في الستات الناصحة   اللي بتجيب  م الآخر  وعارفة مصلحتها كويس  وبتقبل على العلاقة الحميمة  بكل بساطة ودلال  حتى لو مش طايقة  جوزها  ومهما كانت حالتها وفي اي وقت  ..

بس   بشروطها  ..على سبيل الاستفادة ...بمعني لازم تطلع بمصلحة ... ..دهب ..عربية  أرض ..عمارة  ...فلوس سفرية .أو حتى زيارة  . .وفيه اوبشن   نغير ونجدد حاجات في البيت 

 او تطلب يعملها  خدمة مثلا  لحد  يهمها ..أو ترفض العلاقة من اساسها وبطريقتها وخبرتها  والزوح بيوافق وزي الفل من غير حشد لعنات الملايكة  وحاجات تانية كتير..ودايما  شروطها  يتوافق عليها  وإلا .. وطبعا المقابل سهرة  بالبيبي  دول  للصبح ..

ايه رأي الافاضل  في المقايضة دي أو البيزنس دا  ..أهي  علاقة مدفوعة الأجر  مسبقا وزي الفل .. والطرفين راضيبن 

ياترى العلاقة دي  تفرق حاجة عن الدعارة ..؟!

ولا نهدا كدا 

ونحترم نفسنا ونحترم الستات   ونبطل فتي  وبحلقة في تفاصيل جسم الستات  وشحتفة ورا ملابسهم الداخلية حتى لو على مانيكان  

 ونعرف ان النسوة  كتلة   من المشاعر مش ماكينات بفيشة     يلزمها انسان راقي ومحترم  مش مجرد لمؤاخذة   كائن مؤمن ..

" الكبت  الشرعي "

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
حمل تطبيق الأقباط متحدون علي أندرويد