محمد ماهر بعد هجوم "نسويات" على عادل امام : حارب وقت سيطرة جحافل الجماعة الاسلامية .. اختزال تاريخه في مشاهد تنظير وقلة ادب
محرر الأقباط متحدون
١٧:
٠٧
م +00:00 UTC
الجمعة ٢٠ مايو ٢٠٢٢
كتب - محرر الاقباط متحدون
علق الكاتب محمد ماهر على تلقى الفنان الكبير عادل امام انتقادات حادة من قبل ناسويات، وذلك في تدوينة عبر حسابه الخاص على موقع التواصل الاجتماعي فيسبوك وجاء بنصها
انا متفهم كراهية الإسلامجية للزعيم عادل إمام باعتباره زعلهم كتير وحط عليهم كتير وافلامه كانت أصعب عليهم من كل الحملات الأمنية ومن سنين السجون ومن مئات المحاضرات والكتب.
لكن فكرة وجود بعض المحنكين والفمينست اللي بيكرهو عادل امام دي حاجة تستحق التوقف والتعليق.
اختزال تاريخ عادل امام في بعض المشاهد التي تحتوي على ايحاءات جنسية ووصفه بالمتحرش هو تحنيك وتنظير وقلة ادب وظلم للتاريخ قبل ما يكون ظلم للزعيم نفسه.
فكرة انك تختزل 60 سنة من العطاء والابداع في مشهد للزعيم شايل واحدة او بيقول افييه متنمر دي فكرة عبيطة جدا.
تقيم أعمال الزعيم اللي اتعملت من تلاتين وأربعين سنة بالمعايير الأخلاقية اليوم دا عبث زي ما قولت والافيهات ونوعية الكوميديا دي كانت عادية ومقبوله في الوقت دا ومايجيش عيل او عيلة مولودين اول امبارح مايعرفوش عادل امام دا عمل ايه ووقف في وش مين وحارب مين في عز سيطرة جحافل الجماعة الاسلامية ويقولك اصل عادل امام متحرش.
الكلمات المتعلقة
