احتفاء باعتناق بريطانية الاسلام .. تزوجت على يد شيخ الازهر .. الدستور : يهدي من يشاء .. خالد منتصر معلقا : هو احنا داخلين مسابقة كأس العالم للأديان !

 

وعلق المفكر والطبيب خالد منتصر :"  فين الانجاز ؟؟ وليه الاحتفاء؟؟!!لماذا عقلية ألتراس الكورة في التعامل مع الأديان ؟ هو احنا داخلين مسابقة كأس العالم للأديان ؟؟هل الاسلام كسب بدخول مسيحية أو المسيحية تكسب بدخول مسلم؟؟وليه البوذيين مابيحتفوش زينا كده بدخول نجوم هوليود البوذية ولابيفرق مع الصينيين  ؟؟.

 

وتابع عبر حسابه على فيسبوك :" الفرحة العارمة العجيبة اللي بتتلبسنا دي بتخلينا نقع في حاجات تضحك العالم علينا زي يوم ما احتفلنا بدخول ميسي الاسلام!!! ياجماعه عمر الواثق من نفسه ومن فكرته ومن عقيدته مابيتلمس الدعم والعون واثبات فكرته من واحد أو واحده اعتنقوا الفكرة دي !!!.

 

واضاف :"  بلاش تعيشوا إحساس عقدة النقص دي كتير وتفتكروا إنكم ردمتوا فجوة التخلف الرهيبة بينكم وبين أوروبا والغرب بإنكم خليتوا واحده أوروبيه تتحجب أو تتجوز مصري ..مطلوب شوية ثقة في نفسنا .