سحر الجعارة : تطالب بمحاكمة الشيخ مبروك عطية لتحريضه ضد المرأة الغير محجبة

شنت الكاتبة الصحفية سحر الجعارة هجوما شديد على الشيخ مبروك عطية ما صرح به فى تعليقه على مقتل طالبة المنصورة ، ومطالبة النساء بالحجاب حتى لا يتعرضن  للقتل 

 

وقالت الجعارة " مبروك يحمل الضحية الذنب ضاربا بالدستور عرض الحائط وهو يحرض علي العنف ضد النساء ويحقرهن  : ( لو حياتك غالية عليكي اخرجي من بيتك قفة ) .. هكذا حلل الارهاب وترويع النساء والتحرش بهن وهتك اعراضهن . 

 

وتابعت "هذا الخطاب التحريضي يجب ان يحاسب عليه مبروك عطية أمام  النيابة العامة .. وهذا الاراجوز لابد ان يٌمنع من الشاشة والسوشيال ميديا . 

واستكملت : اذا لم تتحرك الدولة فهذا معناه الوحيد ان كلامه صحيح وأن كل قوانين منع العنف ضد المرأة حبر علي ورق .. وفي هذا الحالة عليهم ان يعلنوها ارهابستان

 

وعلقت الاعلامية رولا خرسا على الشيخ مبروك قائلة  عارف معني كلامك يا دكتور مبروك؟؟؟

يعني انت بتدي رخصة لاي شخص انه يقتل او يتعدى علي اي واحدة محجبة؟؟؟

يعني انت شايف ان الحجاب هو الي حيحمي البنت؟ مش اخلاق الراجل الي ماشي في الشارع؟

يعني انت شايف انه معلمش ابني يحترم اي  بنت الا لو محجبة؟

يعني انت شايف ان الي مش محجبة بنت مش كويسة؟؟

طب ما هو برا الستات بتمشي لابسة شورت ونفس الرجال الي هنا اما بيسافروا برا بيغضوا البصر عشان خايفين لاحسن يتمسكوا تحرش بالنظر..

دكتور مبروك ربنا ما فرقش بين الراجل والست غير بالقوامة يعني انه يكون مسؤول عنها ويصرف عليها.. ليه ما انكلمتش عن قلة القوامة وعن الرجال الي  ما بيصرفوش ؟؟

وفرق في الورث عشان المفروض ودا ما بيحصلش ان الاخ يصرف علي اخته

وفي الشهادة عشان الستات في وقت معين بيكونوا حساسين اكتر من اي وقت تاني..

غير كدة الراجل زي الست

حرام يا دكتور والله .. احنا بنعاني من الامخاخ الذكورية الي لا عايزة تحترم الست ولا عايزة تديها حقوقها تيجي انت نديهم رخصة انهم يقولوا شيخ مبروك قال….!!!!