الأقباط متحدون - واقعة تعصب جديدة.. رفض لاعب قبطي باختبارات أحد الأندية
  • ٠٢:١٥
  • الأحد , ٢٦ يونيو ٢٠٢٢
English version

واقعة تعصب جديدة.. رفض لاعب قبطي باختبارات أحد الأندية

محرر الأقباط متحدون

أقباط مصر

٥٨: ٠٩ م +00:00 UTC

الأحد ٢٦ يونيو ٢٠٢٢

رفض لاعب قبطي باختبارات أحد الأندية
رفض لاعب قبطي باختبارات أحد الأندية

محرر الأقباط متحدون
واقعة تعصب جديدة تشهدها ملاعب كرة القدم المصرية بطلها هذه المرة زكريا ندهي الديب، في اختبارات نادي البنك الأهلي.

الواقعة يروها زكريا ندي، عبر حسابه علي فيسبوك علي النحو التالي:
اللي بيلعب معايا وبيشوفني عارف مستوايا ولعبي عامل ازي.. بقالي فتره كل اسبوع بروح اختبار وبترفض من غير اي سبب رغم اني ببقي حلو.. بس مبعرفش انا بترفض ليه؟ في اللي بشارك بيهم وفي اللي بسكت مبتكلمش".

وتابع: "بس اللي حصل انهارده حبيت اشارك بيه علشان يظهرلي كل سنه واشوف قد ايه احنا عندنا تعصب بطريقه فظيعه".

كنت ف اختبارات نادي البنك الاهلي ف ملعب المحروسه الساعه ١٢ ظهرا، لعبت حلو اوي وعملت اللي عليا واكتر ف العشر دقايق اللي لعبناهم، الكابتن بره كان بيصقفلي من غير م يعرف اسمي ولا اي حاجه عجبته واشاد بيا".

وأضاف: "بعد الماتش ناده عليا انا واتنين واحد كان في فريقي والتاني الفريق اللي ضدي واللي بيروح اختبارات عارف ان لما الكوتش بينده عليه ويمشي الباقي يعني كدا هو اتقبل".

طلعنا معاه بره نسلم علي الكباتن اللي قاعده تحت الشمسيه الحلوه دي.. في الكباتن بتشيد بينا وبيسلموا علينا بكل احترام الاتنين اللي معايا اتمضالهم الاستماره واتقبلوا وخدوا معاد الاختبار التاني جه الدور عليا بص ف الاستماره وسكت شويه وقالي معلش تعوضها ف نادي تاني؟

وأختتم: "قولتله يا كابتن الاتنين اتمضالهم اللي كانوا قبلي.. قالي معلش تتعوض في نادي تاني".