اسرة مارينا رفعت الحاصلة على 50% بالثانوية العامة تستغيث بالرئيس: متفوقة في كل سنينها الدراسية لم تحصل على نسبة اقل من 95% كل مدرسينها اتصدموا لانهم عارفين مستواها .. نناشد سيادتك تجيبلها حقها

كتب - محرر الاقباط متحدون
تداول رواد مواقع التواصل الاجتماعي،منشور تضمن استغاثة عاجلة من والد الطالبة مارينا رفعت لبيب سليمان بالرئيس عبد الفتاح السيسي، وجاء بنص الاستغاثة :

رسالة من اب وطالبة واسرة كاملة حزينة ومدمرة علشان بنتهم اتظلمت فالثانوية العامة الى السيد رئيس الجمهورية عبد الفتاح السيسى  الطالبة مارينا رفعت لبيب سليمان .مدرسة سراى القبة الثانوية بنات محافظة القاهرة.
 
انا بنتى  يا سيادة الرئيس متفوقة في كل سنينها الدراسية لم تحصل على نسبة اقل من 95% حصلت فالشهادة الابتدائية على 96.42% وفالاعدادية على95% وطول السنة بتذاكر ليل ونهار تعب وسهر واجتهاد و تطبيق بالايام وامتحانات و حل اكتر من 3او 4 كتب خارجيه  فكل مادة علشان تتدرب على النظام الجديد و تعرف تستوعب اكبر عدد من الاسئلة والأفكار ونفاجئ يوم النتيجة بحصولها على 50% فالمجموع الكلى وحصولها على النص فكل المواد وكمان شايلة فيزياء.

 طب ازاى  واحدة شاطرة ومتفوقة فكل السنين يبقى سنة مهمة ومصيرية زى دى طبيعى وبالمنطق انها هتكون اشطر وبتذاكر اضعاف اضعاف مذاكراتها العادية احنا كلنا اتصدمنا وكل مدرسينها اتصدموا لانهم عارفين مستوى مارينا ودليل على كلامنا كل شهادات التقدير دى على مدار كل اعوامها الدراسية وفمختلف المواد احنا مش عايزين حاجةة غير حق البنت عايزين يتم إعادة تصحيح الورق بتاعها بعد ما يتم التأكد انه ورقها ولم يتم التلاعب ولا تغير الورق احنا كل الى عايزينة هو حق البنت هى منهارة من ساعتها وحاولت الانتحار مرتين حرام مستقبل بنت شاطرة و متفوقة يضيع بسبب تلاعب او عدم دقة فى التصحيح  ولصالح مين دا كلة ولحد امتى هنفضل فى دوامة ظلم الثانوية العامة بنناشد سيادتك ان تعتبرها بنتك وتجبلها حقها.
 
ارجوكم تعملوا شير وup للبوست علشان نقدر نوصل صوتنا للمسئولين ونرجع حقها
01221392622