رامى جلال لوزير المالية: "مفيش جائزة اسمها افضل من يصيب الناس بالذعر".. حد ينصحه يستعين بشخص للتحدث للإعلام بدلا منه

عندما سئل وزير المالية عن كيفية تسديد القروض التى على مصر أجاب "نستلف تأتي"، وهذا الرد اثار المهتمين بهذا الشأن، حيث أنه رد غير سياسي وغير متزن.
 

ويرى رامى جلال عضو مجلس النواب أن يستعين وزير المالية بشخص لديه حنكة للتعامل مع الإعلام بدلا من الردود الغير منطقية التى يقولها.

وأضاف عضو مجلس النواب أن الوزير يتلذذ عن التحدث عن موضوع القروض.
 

وقال على موقع التواصل الاجتماعي فيسبوك "ساعات بحس إن وزير المالية عنده حالة حقيقية من التلذذ والاستمتاع لما بيتكلم عن موضوع القروض!
 

يسألوه هتعمل إيه علشان تسدد القروض يقولك بمنتهى الثبات الانفعالي "هستلف تاني".. يتكلم عن الموازنة فيقولك بابتسامة رشيقة جدًا إن جزء كبير منها هيروح لسداد ديون والباقي لخدمة سداد الديون.. يستفسروا منه ليه جبت كتير من الأموال الساخنة، يقول بقوة الفاهم العارف إن دي كانت غلطة أصل مكنتش أعرف أنها هتخرج تاني (هي أصلًا ساخنة ولازم لازم تخرج بسرعة، هي داخلة علشان تخرج بسرعة أساسًا هتقعد تعمل ليه وهي ساخنة!).

 

وأشار رامى" الوزير، أي وزير، مش تقني وبس، مش حرفي، مش ميكانيكي ولا نجار مثلًا، ده شخصية تجمع بين تلات جوانب أساسية لا غني عنها، سياسي تقني إداري (60% - 30% - 10% على الترتيب في تقديري) والنسب بتتعدل بفريق العمل الجيد والمستشارين إللي بجد..
 

الوزراء منزوعي النزعة السياسية، فاقدي الحس الإعلامي، مش موجودين غير في عدد محدود من البلدان إحنا منهم.
 

البيانات الاقتصادية الدقيقة تخرج بشكل إعلامي مكتمل وجيد وشفاف ومتعدد الوسائل، وليس على شكل تصريحات ملقاه في الفراغ، أو بيانات غير كاملة السياق.
 

وطلب عضو مجلس النواب"حد ينصح وزير المالية بأنه يجيب حد فاهم في الإعلام يمشي له الدنيا، مفيش أي جائزة اسمها جائزة "أفضل من يصيب الناس بالذعر". ولو سكت محدش هيزعل ويقول هو الوزير ليه مخضناش النهاردة!