بنسمع كتير ناس بتقول "شالله يا عدرا" ..."شالله يا مارمينا" ..."شالله يابوسيفين" ... وهكذا

ومكناش بنعرف معنى الكلمة دي .. (يمكن معناها ان شاء الله يا عدرا ؟؟! ) مش عـــارف....

المهم سألت فيها ناس كتير وسمعت رأي كنت شفته اكثر انتشارا و منطقية واللي بيقول ان معناها (شئ لله يا عدرا ) بس الكلمه مضغوطة .

وعرفت بعد ذلك ان في اللغه القبطيه أداة قسم اسمها (شيه ) ولها دلالات كثيرة زي ( وحياة ... وشرف .. وغلاوة ... وما في معانيها كدة )

وبكدة تكون معناها ( وغلاوة ربنا عندك يا عدرا ) .. ( وحياه مارمينا ) .. الخ..

ودي كانت كلمة قبطية قديمة ودخلت الي لغتنا العامية زي ما آلاف الكلمات اللي بنستخدمها في حياتنا اليومية ..

فاحنا بنتكلم كلمات كتير في لغتنا العامية واحنا مش دريانين ان ليه اصل قبطي.

تعليق لابد منه:

نحن لا نصوم للعدرا والقديسين بل نسمى اصوامنا وكنائسنا بأسمائهم تكريما وتذكارا لهم وهذا أمر كتابى...

الله نفسه يسمى ذاته بأسماء القديسين .. أنا إله إبراهيم وإله أسحق وإله يعقوب"متى ٢٢-٣٢"

والله يسمى ناموسه وأسفاره بأمس القديسين.. مكتوب عنى فى ناموس موسى والأنبياء "لوقا ٢٤-٤٤".

والله يسمى كنائسه بأسماء مدن وشعوب.. كنائس أفسس وسرنا "رؤيا٢".

كنائس اللاودكيين "كولوسى٤-١٦".

انا باكتب التعليق للناس اللى بتقول اننا نصوم العدرا والقديسين ونقدسهم...    

شالله يا عدرا كونى معنا.. وباركينا .. وارفعى الوباء عنا .. امين..

كل سنه وانتم طيبين