الاعلامي احمد سالم : يكره المتشددين محمد صلاح ويحبون ابو تريكة لان صلاح يتعامل مع غير المسلم بحب وسلام يصلي و يصوم بدون منظرة واستعراض ويحب الموسيقى والفن والسفر و البحر

شن المتشددون هجوما على المصرى محمد صلاح، هداف ليفربول الانجليزي ونجم المنتخب المصري، بعد تداول صورة له مع سونيا جرجس، التي حصلت على لقب ملكة جمال مصر في 2020.  

 

 عارفين ليه الغربان السود بيكرهوا صلاح و بيحبوا ابو تريكة؟ عشان صلاح بيمثل لهم مصر الوسطية اللي بيكرهوها جدا صلاح بيصلي و يصوم ويقرا قران في بيته  بدون منظرة واستعراض و بيحب الموسيقي والفن والسفر و البحر  و بيتعامل مع غير المسلم بحب و سلام ، مراته و بناته مصريين  طبيعيين ملهمش في الافورة ،اندمجوا في حياتهم الجديدة دون ابتذال او مبالغة.

 

لكن هم بيحبوا النموذج التاني ابو ضحكة صفرا اللي بيجاهر بالرياء و يدعم مسلمي بركة السبع ضد استبداد الحملة الفرنسية ويسيب الملعب عشان واحد من الجمهور نسي محفظته او ياخد بنالتي  ظلم بالتمثيل  و يسجد شكرا في الملعب و يمسك المصحف في الطيارة من غير ما يقرأ فيه كلمة  عشان يقول شفتوني و انا مؤمن  و يعزي في شهداء غزوة أحد و مصابي الهزيمة في الأندلس  ويرفع شعار انقذوا غزة و الحقوا مسلمي الايجور و الشيشان و البوسنة والهرسك و الدويقة ودار السلام و نزلة السمان ،،من استغلال سواقين الميكروباص ،    لكن عمره ما يعزي في شهداء جيش بلده ابدا عشان الوطن ما هو إلا حفنة تراب طبعا.

 

محمد صلاح, المتشددين, ابو تريكة, سونيا جرجس, ملكة جمال مصر,